Светлый путь

Поиск по сайту

Вакыт
Улон дауръёс
Автор: Administrator   
14.02.2017 09:36

«Из но, му но пилиське но…» Кылем арын Герейгуртысь Мария Архиповна Лекомцевалы 90 арес тырмиз. Собыдња аресаз љожтћськыса улћз синмыз ляб адњонлы. Нылпиосыз эмчиос дортћ нуллћзы. Озьы Мария Антоновна адњыны кутскиз. Шумпотыса газет лыдњыны ќдъяз. Гожъяськыны мылкыдыз но кылдћз. Кабачигурт библиотекаын «Ибырвесь» кружокез нуись В.Н. Чирковалы пересь муртлэн гожтэмъёсыз вуизы. Отын со улэм-вылэмзэс тупен-тупен мадем. Вера Никифоровна џапак ож вылтћ 65 гуртооссылэн улэм-вылэмъёссы сярысь альбом дасяз ни вал. Мария Архиповналэн ужез џапак татчы тупамон. Библиотекае вуэм муртъёслы пересь нылкышнолэн гожтэмез тунсыко потэ. Тетрадь киысь кие ветлэ. «Гожтэмез лыдњыса, тодэ лыкто мамаелэн мадемъёсыз. Пумен синкылиос кылдо. Кыџе курадњизы уго», – маде В.Н. Чиркова. Мария Архиповналэсь гожъямъёссэ печатлан сярысь сюлмаськиз Вера Никифоровна. Мон, Мария Архиповна Лекомцева, вордскемын Герейгуртын 1926 арын 25 июле. Будћ мумин-бубин, умой улћ.

 

Подробнее...
 
Удмурт семья
Автор: Administrator   
14.02.2017 09:34

Ижкарысь Геннадий Красильниковлэн музей-квартираез туспуктэмъёсъя «Удмурт семья» конкурслы йылпумъянъёс лэсьтћз. Вормисьёс пќлы шедиз Играысь ёрос редакциысь корреспондент М.Г. Корепановлэн семьяез но. Конкурсэ ньыльдонлэсь ятыр уж вуиз. Соос пќлысь ньылез XIX даур пумын но XX даур кутсконын лэсьтэмын. Вань кылем даурысь 50-60-тћ аръёсы лэсьтэмъёсыз, озьы ик туалаосыз. Чошатсконлэн куронъёсызъя валтћсез вал: туспуктэм конкурслэн нимызлы мед тупалоз но фото вылын адямиос удмурт дћсьёсын луыны кулэ вал. Играысь Корепановъёс туспуктэме удмурт дэремен но казакъёслэн дћськутъёсынызы пуксизы. Анна Владимировна вылын дћсямын бызем удмурт нылкышнолэн уйпал ёрослы тупась дћськутэз (20-тћ даурлэн кутсконэз). Вуремын Играысь киужъёсъя центрысь кибашлыосын. Максим Геннадьевич но солэн атаез Геннадий Матвеевич но Матвей пиез вылын – Оренбургысь казакъёслэн дэремъёссы (1914-тћ ар). Пичи пилэн йыраз казакъёслэн тафьязы понэмын. Котькинлэсь тунсыко уж келям Марий Элысь Веста Андреева. Туспуктэмез 1904-тћ арын лэсьтэмын. Тазьы лыдъязы музей-квартираын тыршисьёс конкурслы йылпумъянъёс лэсьтыку. Конкурсын вормисьёслы футболка, «Удмуртская народная одежда», «Сергей Есенин в контексте удмуртской поэзии и искусства» книгаос но музей-квартираетћ аудиоэкскурсие билет кузьмазы. Кыкетћ-куинетћ интые потэмъёслы – книгаос но музей-квартирае экскурсие билет.

Н. Феоктистова

 
Удмурт Крылов
Автор: Administrator   
14.02.2017 09:32

Афанасий Лужанинэн данъясько Удмурт шаермы, Игра ёрос, «Сеп» муниципал кылдытэтэ пырись гуртъёсын улћсьёс. 1995-тћ арын 29-тћ сентябре Сепысь библиотекаын аспал муртсылы сћзьыса музей-комната усьтћзы. Нош 1999-ти арын 15 январе библиотекалы сётэмын Афанасий Васильевичлэсь нимзэ. Кылбурчилэн улэм-вылэмез, творчествоез сярысь вераськиськомы Е.Н. Лекомцеваен, Сепысь библиотекалэн кивалтћсеныз. – Афанасий Васильевич вордћськиз Игра ёросысь Лужан гуртын. Семьяын будћзы Афанасий, Александр, Алексей, Андриан но Фёдор пиос. Пиналысен ик соос уж дурын кыдазы. Љытъёсы атайзы семьязэ «Гудыри» газетлэн выль номеръёсыныз тодматылћз, гожъямъёссэ шара лыдњылћз. Вуоно кылбурчи нырысь тодон-валан люказ артысь Николаевка гуртысь школаын. Берло дышетсконзэ азинтћз Дэбесысь школаын, пыриз Глазовысь педтехникуме. Но атаез секыт висьыса кулћз, дышетсконэз куспетћ луиз. 1929-тћ арын дышетскыны мынћз Якшур-Бодьяе дышетћсьёсты дасянъя куать толэзьем курсъёсы. Ужаз Якшур-Бодьяысь роноын инспектор луыса. Ас мылкыд каремезъя ветлћз Горд Армие. Берло ужаз «Егит большевик», «Ижевская правда», «Удмурт коммуна», «Дась лу!» газетъёсын. – Пинал дыръяз кыџе сямо медаз вал? – Вынъёсызлэсь туж висъяськылэм. Вить арес дыръяз горд миндэрезтэк кќлыны ик уг выды вылэм. Я солэн жарить карем картошка сиемез потэ. Яке солы выль дэрем кулэ. Мумиз Екатерина Демидовна со учыръёсысь потыны амал утча ни вал. Палатэк пќзьтэм картошкаез вќяса сётылэм я нуллоно дэремаз выль басма юдэс вурњалтыса, тани выль вури, шуылэм. Улћзы угось секыт. Пинал мурт туж шумпотылћз ни. Будэмъяз куатаськон-вогъяськон сямыз ышиз. Табере калыкез серекъятэмез џемгес потылћз ни. Малпамтэ шорысь чорк султэ но исаськон кылъёс вера: «Илля, улля, Вася, васькы, Онтон – зол тон». Туж жаль, дано кылбурчимылэн вордћськем дорез Лужан быриз, сюрес ќвќлэн гуртоослы татысь кошконо луиз. Но џыдонтэм чебер интыосы сюлэм ялан кыске. Татын али дыре но пуштыр-пуштыр будэ Афанасий Лужанинэн мерттэм бадярез. Со сяна, кылбурчимы гуртлэсь нимзэ весяклы улњытћз. Угось аслаз атай фамилиез солэн Корепанов луэ, нош Лужанин – псевдонимез. – Елена Николаевна, вакчияк маде музей усьтэмды сярысь? – Туж секытэн та уж сётћськиз. Со дыре Афанасий Васильевич улэп ќй ни вал. Пумиськылћм солэн пиеныз Эдуард Афанасьевичен. Пичиен-пичиен маке-маке люкамы, жаль, вань бичетъёсыз милям ќвќл. Сепысь библиотекалы ёросмыя нырысетћосыз пќлысь сётћзы кылбурчилэсь нимзэ но. Таџе малпанэ вуимы куинь кузя вераськыкумы: М.Т. Шуб, соку ёрос культураен кивалтэ вал, Л.Д. Корепанова, ёрос библиотечной системалэн директорез но мон. Малпамын – лэсьтэмын. – Маиныз тунсыко луэ лыдњись понна Афанасий Лужанинлэн творчествоез? – Лыдњисьлы литератураысь котькуд гожъяськись тодэ кыле куд-ог валтћсь гожъямъёсыныз. Кылсярысь, Аркадий Клабуков шуиськомы ке, тодэ лыктэ «Тютю Макси» поэмаез, Филипп Кедров – «Катя» повестез, нош Афанасий Лужанин ке, мылкыддэк но ньќмыз понна гинэ ужасьёсты возьматћсь «Сюмъё но Падыш» басняез, граждан ожлы сћзем «Осотовецъёс» поэмаез, «Бусъёсын шобырскизы» кылбуръя гожтэм кырњанэз. Афанасий Васильевич ас калыксэ визьмо но лыдњиськись карон понна трос тыршиз њуч но мукет писательёслэсь произведениоссэс удмурт кылэ берыктон бордын. Озьы со тодматћз Пушкинлэн, Некрасовлэн, Горькийлэн но мукет писательёслэн гожъямъёсынызы. Нырысетћ сборникез «Тулыс зор» нимын 1939-тћ арын потћз. Лыдњись доры удмурт но њуч кылъёсын гожтэм дас одћг сборникез вуиз. Туж жаляно, улонысь со вазь кошкиз. Сюлэмыз жугиськемысь дугдћз 1966-тћ арын 22 январе. Удмурт литературае Афанасий Лужанин мур пытьы кельтћз, кылдытћз выль жанр – басня. – Бадњым тау тћлед, Елена Николаевна. Афанасий Лужанинлы сћзем музейды арысь аре солэсь улэм-вылэмзэ, творчествозэ возьматћсь арбериосын мед узырмоз.

Надежда Данилова

 
Удмурт клуб усьтћзы
Автор: Administrator   
14.02.2017 09:14

Ёрос библиотекаын 2017-тћ арлэн нырысетћ ужан нуалаз удмурт кылэз дышетонъя курсъёсы ветлэмъёслэн дэмланзыя удмурт клуб усьтћськиз. Кивалтэ соин О.А. Степанова, валтћсь библиотекарь. Ужрадъёссэс толэзьлэн котькуд кыкетћ средаяз 17 часын 15 минутэ ортчытъяны малпазы. Пумиськон сярысь нимысьтыз ивортонъёс луозы ёрос библиотекалэн сайтаз, ВКонтакте но Одноклассники группаосын. 25 январе клуб кыкетћзэ люкаськылћз. Таяз радэ удмурт эктонъёс дышетћзы. Ольга Александровна люкаськемъёсты удмурт эктонъёсын герњаськем книгаосын тодматћз. Лыктэмъёс пќлысь куд-огез удмурт кылэз дышетонэз азинтон сярысь кылпум поттћзы. Та юан лыдэ басьтэмын вал. О.А. Степанова али дыре чупыр-чупыр дасяське ни выль ужрадъёслы. Котькудћз пќртэм темая ортчоз. Саклык висъялозы сям-йылолъёслы, удмурт кылын вераськонлы. Пумиськонъёсы возьмало вань мылкыд карисьёсты. 12+

Н. Феоктистова

 
Аслад лампаеныд дышеты
Автор: Administrator   
14.02.2017 09:13

1936 арын 22 январе Сеп сельсоветлэн президиумезлэн заседаниез ортчиз. Отын эскеремын неграмотностез быдтон, газетъёсты вќлмытон но мукет ужпумъёс. Нырысетћ ужпумъя вераськем Ф.Е. Перевощиков. «Сеп сельсоветын, В.-Палымын, Лудошурын но В.-Пежвайын сяна, неграмотностен нюръяськон чик уг мыны. Вань колхозъёслэн председательёссылы ликвидаторъёслы юрттэт сётоно но неграмотнойёслы дышетскон условиос кылдытоно. Нырысетћ февральысен дышетыны кутсконо ни. Колхозъёслэн председательёссылы неграмотнойёслэн трудоденьзы чотын дышетскон котыр дасяно». Кыл курем культармеец П.Ф. Лекомцев. Мон, шуэм, кемалась ик ќй тоды ликвидатор луисько шуыса. Дышетћсько аслам лампаеным. Соин ик курисько лампа. Солы али, пе, асладэныз дышеты, собере басьтомы шуиллям. Н.Я. Стрелков, со аръёсы сельсоветлэн председателез, котькуд дышетћсьлы быдэн одћг гуртэз шефствое сётоно шуыса вераськем. Культармеецъёсты инструктировать карыны люкалляно. Кыкетћ ужпумъя заседаниын кылзэмын вал В.Г. Мосов. Со верам газетъёслы гожтћськон туж ляб мынэ шуыса. Тужгес но урод ужпум Сепын, Пежвайын. Дышетћсьёс интэм каро «Удмурт коммуна» но «Колхоз бусы» выллем национальной газетъёсты. Коркаос номеровать ќвќл каремын. Сельсоветлэн президиумез Сеп гуртысь депутатской группалы куинь нунал куспын газетъёслы гожтћськонэз ортчытыны дэмлаз. Одћг февралёзь йылпумъяно коркаосты нумеровать каронэз но почта ящикъёс лэсьтонэз. Николаевкаысь колхозлэн председателезлы но Мосов эшлы нуналлы быдэ колхозъёстћ ветлоно национальной но мукет газетъёслы вань улћсьёсты гожтћськыны ќтьыса. Озьы ик эскеремын мукет ужпумъёс. Басьтэмын 1934-35-36 аръёсы заседаниослэн протоколъёсынызы книгаысь

«Вакыт» газет 24 август, 1991 ар

 
Анай-атайлэсь кылзэ тодоно
Автор: Administrator   
14.02.2017 09:12

Кылем арын куинь толэзь џоже ёросамы удмурт кылэз дышетонъя курсъёс мынћзы. Соос радъяськизы Кедра Митрей нимо ёрос библиотекаын. Пумиськонъёсты тыро-пыдо дасяз но нуиз О.А. Степанова, библиотекаын ужась. Ар пумын йылпумъянъёс лэсьтэмын вал. 16 мурт дышетскемез сярысь сертификат басьтћз. Дышетскыны ёросысьтымы егитъёс но арлыдоос, ужасьёс но гуртын пукись песянай-песятайёс ветлћзы. Пќлазы вал удмурт кылэз валасьёс но вераськыны быгатћсьтэмъёс, озьы ик та кылэз воксё но тодћсьтэмъёс. Кыџе муг луиз меда удмурт кылэз дышетон понна? Та сярысь юалляськи курсъёс пыр потэмъёслэсь. Кудћз пусйиз, вераськонме волятэме потћз шуыса, мукетъёсыз шуизы, школаын ас дыраз ќз дышетэ, нош али луонлык кылдыса, кызьы сое улонад уд куты. Куинетћосыз верало: «Тросэз, тужгес но гуртъёсын улћсьёс, куспазы удмурт кылын верасько. Пќлазы шедьыса, астэ умойтэмен шќдћськод». «Возьыт, удмурт шаерын улыса, анай-атаелэсь кылзэ уг тодћськы. Пинал дыръям вераськылћ ик. Но соку тросэз њуч классэ дышетскыны мыныны выро вал. Отчы шедён понна ик њуч сямен вераськыны кутски. Удмурт кыл мыным туж чебер потэ», – пусйись шедиз. Одћгез синмаськем удмурт кырњанъёслы. Туж чебересь пото, шуэ, нош мар сярысь кылъёсыз, шуген валасько, пе, вал. Табере , курсъёс пыр потэмез бере, ачиз кырња ни. Одћгез пумиськонзы Лудошурысь клубын ортчиз. Татысь тыршисьёслы курсъёсы ветлћсьёс паймыса кошкизы. Соослы луыса одћг-ог часлы, пе, њуч кылмес вунэтылћм. Йылпумъян љытысен дышетскисьёс быгатэмзэс возьматћзы. Удмурт кылын кырњазы, кылбур лыдњизы, выжыкыл возьматћзы. Пумиськон быдэсак удмурт шќмын пыџамын вал. Залын чузъяськиз удмурт кыл гинэ! Ужрадэ ќтем куноос но удмурт кылын вераськизы. Сћё-дано ужрад дыръя сертификатъёсты дышетскисьёслы сётъяз А.В. Шамшурин, ёрос администрациысь главалэн воштћсез. Курсъёс йылпумъяськизы, нош люкиськем нокинлэн но уг поты. Озьы 2017-тћ арлэн нырысетћ ужан нуналаз ик ёрос библиотекаын удмурт кылэз гажасьёслэн клубзы усьтћськиз.

Надежда Данилова

 
Котькыӵе уж вормымон
Автор: Administrator   
24.05.2011 11:39

Ужазы азьмынӥсьёсты пӧртэм сямен данъяло. Но малы ке вань сюлмо тыршисьёс со радэ уг шедё, палэнэ кылё.

Подробнее...
 
«Сеп тулкымъёс»
Автор: Administrator   
24.05.2011 11:36

Кема аръёс Сепын вераськиз интыысь радио. Улосысь вань иворъёсты гуртоос татысь кылзӥзы. Езъёс пыр ужась радиоез быдтэм бере выжыны малпазы газет поттонэ. Озьы куинетӥ арзэ сепъёс иворъёсты тодо «Сеп тулкымъёс» нимаськись информационной бюллетеньысь. - Нырысез ик номермы сӥземын вал 9-тӥ Майлы, - вера бюллетенез дасясь Т.П. Селивёрстова. – Митинг азьын лыдӟимы фронт мышкын тыршемъёслэн ӟырдыт ужъёссы сярысь. Газетмес толэзьлы быдэ поттыны чакламын. Нырысетӥ бамаз котьку сямен тупам праздникъёсын тодматӥськом. Бюллетеньысь гуртоос тодо «Сеп» муниципал кылдытэтысь депутатъёслэн сессиосысьтызы решениосты, гуртысь иворъёсты. Сепъёс газетазы инты висъяло пиналъёслэн творчествозылы но. Печатлало кылбуръёссэс, сочинениоссэс. Нош кылем арын Сепын «Шудо егит дыр» лагерьлэсь ужамзэ дас одӥг бамын возьматӥзы. Интыын потӥсь таӵе бюллетеньлэн кулэлыкез туж бадӟым. Но жаляса верано, луонлыкъёс ӧвӧлэн бадӟым тиражен сое поттыны уг луы.

Л. Корепанова

 
Ашальчиез адӟимы
Автор: Administrator   
24.05.2011 11:34

Инкуазьлэн одӥгез паймымон чеберез – сяськаос. Котькуд калык соосты чеберлыклэн символэныз лыдъя. Кылбурчиос сяськаосты чуръёсазы данъяло, художникъёс суредъёсазы пукто. Синэз палёмытыны ик, дыр, кылдытэмын сяськаос. Кылем арын июне ми но туж чебер сяськаен тодматскимы. Сое синйылтэм вылэм дышетӥсьмы. Лагере ветлыкумы милемды но будон интыяз нуллӥз. Ми синмаськимы та сяськалы. Сое учкыны ветлӥ на эшъёсыным, анаеным, песянаеным. Кузялэсэсь куаръёсын, шепын кадь ик модос котыртӥ будӥсь льӧлялэс-фиолет пыръем векчи бурдъёсын сяськаез фотое но пуктӥмы. Нокин но солэсь нимзэ ӧз тоды. Мынам одно утчаськеме, со сярысь тодэме потӥз. Озьы исследовательской уж борды басьтӥськи. Паймымон чебер будосмы пальчатокоренник нимаське вылэм, мукет нимыз ятрышник (орхидеяос пӧлы пыре). Нош удмурт сямен сое ашальчи шуо. Та будос шер пумиськылӥсь лыдъяське. Асьме ёросын отын но татын оген-оген пумитаны луэ. Удмуртиын будэ Яр, Селта, Ува, Балезино, Як.-Бодья ёросъёсын нюр интыосын. Книгаосысь, интернетысь утчаськыса, Играысь 1 номеро школаысь биологлэсь Д.Л. Поздеевлэсь юалляськыса, ми трос тодӥмы ашальчи сяська сярысь. Но туж жаль, асьме палась одӥг интыын тросэн будэмзэ ӧм шедьтэ. Бен быдэс удмурт шаерамы но возьвыл тыр соосты уд адӟы. Ми чидатэк витиськомы ни гужемез, та чебер сяськаен пумиськонэз. Ашальчиез утёнэз бурд уламы басьтыны малпаськом.

Алина Корепанова. Лонки-Ворцы школа, 2-тӥ класс. (Кивалтӥсез пичи классъёсты дышетӥсь Светлана Викторовна Кожевникова)

 
Сикын мерттӥськизы ни
Автор: Administrator   
24.05.2011 11:31

 «Удмуртлес» АУ-лэн Игралес филиалаз ньыль участок пыре. Зураысез тужгес бадӟымез луэ. Татын 20 адями тырше. Ёросамы та участокын гинэ питомниксы вань. Али бен быдэс шаерамы но соос дасо пала сяна ӧвӧл ни. Азьло ваньмаз 25 ёросъёсын быдэн одӥг гинэ ӧй вал. Тросэн кыз, пужым кизьыса будэтылӥзы. Котькуд ар зураос питомниказы одӥг гектар вылэ кыз кизё. Кысык дырзы бусы ужъёсын огвакытэ кутске. Азьлоосы, пе, та ужзэс 3 гектар вылын ортчытъязы. - Али сикез эскерыса, бырйыса корало. Ас понназы потэм пинал кызъёсты лёганы ум лэзиське, - шуэ участоклэн начальникез П.Ф. Корепанов. – Азьло озьы ӧй вал, соин ик пинал пушъетъёс но трос мынылӥзы. Берло аръёссэ интыен-интыен, бырйыса буш азьёсаз гинэ мерттылӥськомы. Туэ ваньзэ 130 гектар вылын мерттон ужъёсты быдэстӥмы. Зура палась Заякиноын даур ӵоже куашетэ ни кедр арама. Пётр Фёдорович сизьым ар талэсь азьло отысь шишкаосты октыса, соосты мерттыса эскерыны малпаз. Кыз-пужым кидысэз сямен ик мульыосты стратифицировать каризы. Коттэм макеосты пуйые интыяса кык толэзь ӵоже лымыын возизы, собере ини тулыс мерттӥзы. Опытной партия пушйиз. Али соос 30-40 сантиметрозь ӝутскизы ни. - Троссэ пушъетъёсты школа, нылпи сад котыръёсты шулдыртыны сётъяськомы, вань асьсэ понна басьтӥсьёс но, - вераськонмес азьланьтӥськомы П.Ф. Корепановен. – Игра палъёсысь но юасьёс луо. Кедр арамамы но питомникмы сярысь ивортон Интернетын но вань бере, ум паймиське кыдёкысь юалляськисьёслы. Сизьым аръемъёссэ ваньзэ басьтыса Татарие нуыны дасясько. Эскерыны шуыса мерттэмзы пӧрмем бере, зураос эшшо одӥг мешок шишка октыса кизизы на. Таосызлы пушъетъёссылы куинь ар. Небыт лысо ненег будосъёссы 40 сюрс пала тэлезё. Озьыен ёросамы кедр шер пумиськылӥсь писпу уз луы, котькуд сэрегын улосмес шулдыртоз. Оло сэре Зураысь но Чутырысь кедр арамаос борды эшшо кытчы ке быдэс арама кылдоз на.

Л. Кузнецова

 
Шудон лэсьтӥзы, выжыосмы сярысь тодӥзы
Автор: Administrator   
28.04.2011 06:48

 Кылем толэзе Калык творчествоя юртын ужаз шаерамы тодмо луись кибашлыослэн Степановъёслэн «Улон бугор» выставказы.

Подробнее...
 
Адямилыкез ӝутонэн вырон – шудон ӧвӧл
Автор: Administrator   
28.04.2011 06:43

 Удмурт кун университетысь Адямилыкез эскерись институтлэн директорез А.А. Разин но солэн кузпалыз, кылбурчи но кылысь кылэ берыктӥсь Ю.Н. Разина мартэ ёросамы калыкен пумиськонъёсы потазы.

Подробнее...
 
Кырӟасьёс-шудӥсьёс
Автор: Administrator   
29.03.2011 07:29

Играысь «Нефтяник» культура юртын тыршисьёс учкисьёссэс ялан выль вамышъёсынызы паймыто. Клублэн таяз ужан сезоназ сцена вылэ потӥзы «Своя Игра» вокально-инструментальной ансамбльысь егит пиос. Соос азьпал ик пӧртэм инструментъёсын шудылӥзы ни вал. Со крезьгур улсын кырӟанъёссы но чузъяськылӥзы. Нош ним ансамбльзылы сётӥзы кылем сӥзьыл гинэ. Ӵош ужась эшъёссылы ик таӵе аспӧртэм но ас улон интызэс возьматӥсь ним йыразы лыктэм.

Кинъёс со - егит азьветлӥсьёс? Туспуктэм вылын пуксемын клавишник Игорь Борисов, бас-гитарист Алексей Бабинцев, кивалтӥсьсы Денис Чирков, барабанщик Андрей Худяков но баянист Максим Михайлов.

Музыкантъёс выль кырӟанъёс понна уг шугъясько. Репертуарысьтызы дасо палаез гожтэмын Сундурын вордӥськем но али дыре Играын улӥсь Денис Чирковен. Денис кырӟанъёсты туж быгатыса быдэстэ. Аслаз гожтэмъёсыз но кызё пала люкаськиллям ни. Озьы ик вольыт, чебер шудэ гитараен но.

- Нимысьтыз дышетскемед оло вань? – юано кариськи Денислэсь.

- Укмысэтӥ классозь гитараен шудон нокыӵе уг поты вал, - валэктыны кутскиз со. – Но малы ке ӵапак бадӟым классысен шӧдтэк-шорысь вордӥськиз сыӵе мылкыды. Анае ёросысь методцентре мыныны дэмлаз. Озьы мынам дышетӥсьёсы луизы татын со дыре ужасьёс Евгений Мохов но соку ай Алексей Лекомцев (али дыре со Малых фамилиен ни). Берло тодэмме волятӥ Игра станцие интыяськем культура юртын инструментальной ансамблязы ветлыса.

«Своя Игра» ансамбль кылем арын аслэсьтыз концертсэ возьматӥз ни. Апреле учкисьёсыныз нош кыкетӥзэ пумиськон радъяны чакла. Таяз учыре соос калыкез шулдыртозы Дэбесысь ансамблен ӵош. Трос учкисьёс, зол кичабонъёс тӥледлы, егит кырӟасьёс-шудӥсьёс!

Н. Данилова

 
Удмуртъёслэн югдытӥсьсы
Автор: Administrator   
10.03.2011 07:33

Котькуд калыклэн аслаз батырез вал, со улонзэ, кужымзэ сётӥз калыксэ огазеян, ӝутон понна. Асьмелэн одӥгез сыӵе пимы – Трокай Борисов. Трофим Кузьмич бадӟым инты басьтэ калыкмылэн но кунмылэн улоназы, со трос лэсьтӥз Удмурт автономной областез кылдытон, наукаез, литератураез азинтон понна. Асьмеос сое тодыны но котьку тодамы возьыны кулэ.

Подробнее...
 
Вамышен-вамышен азьлань
Автор: Administrator   
10.03.2011 07:18

Гуртъёсы ветлыку отысь пӧртэм мылкыдэн бертӥське. Ужъёссы урод мыныку, милям но сюлэммы интыяз уг луы, югдур ӟеч ке, капчияк шокчиськом. Умой мылкыдын берытскимы Мужбер палъёсы январьлэн пумаз вуылыкумы. Татын вамыш бӧрсьы вамыш лэсьто хозяйствоязы улон-вылонзэс умоятон вылысь. Вить ар талэсь азьло сюлэсь ятыр ужасьёс колхозысь кошкемен (солы мугъёс вал), чидантэм югдур кылдылӥз. Табере улон каллен воштӥське. 2008-тӥ арысен тырмо ни механизаторъёс, дояркаос, специалистъёс. Гуртоос пӧлын уже лыктыны эшшо мылкыд карисьёс вань.

Подробнее...
 
Егитъёслы оскон юнма
Автор: Administrator   
10.03.2011 07:01

Быдэс дуннеын 21 феврале пусъё анай кыллэсь нуналзэ. Асьме понна дуно удмурт кылмы. Та нуналлы сӥзьыса ик ёрос библиотекалэн литературной гостинояз кылем пятницае чузъяськизы шулдыр удмурт гуръёс. Сепысь егитъёс Алексей Тронин, Светлана Корепанова но Андрей Лекомцев учкисьёсты кылмылэн чеберез сярысь выльысь малпаськытӥзы кырӟанъёссы пыр.

Подробнее...
 


 

Случайное изображение

P1030417.jpg

Вакыт (Приложение на удмуртском языке)